Si mund të identifikohet disinformimi gjatë zgjedhjeve? Si përdoren apo keqpërdoren asetet publike në periudha fushate?
Këtyre pyetjeve iu dhamë përgjigje gjatë bashkëbisedimit të zhvilluar në Qendra Epoka e Re në Fier, aktivitet që synoi forcimin e kapaciteteve lokale për monitorimin e zgjedhjeve dhe rritjen e ndërgjegjësimit qytetar mbi integritetin e proceseve zgjedhore.
BIRN Albania përfaqësuar nga Viola Keta trajtoi format dhe ndikimin e disinformimit në zgjedhje, efektet që ai sjell tek qytetarët dhe kandidatët, përdorimin e inteligjencës artificiale për përhapjen e përmbajtjeve manipuluese, si edhe teoritë konspirative që shfaqen gjatë fushatave elektorale.
Nga ana tjetër, Migen Qiraxhi nga Qëndresa Qytetare u ndal te roli i administratës publike dhe përdorimi i aseteve shtetërore në periudha zgjedhore, duke ndarë edhe eksperiencën konkrete të organizatës në monitorimin e zgjedhjeve dhe evidentimin e rasteve problematike.
Në aktivitet morën pjesë përfaqësues të shoqërisë civile, studentë, gazetarë, përfaqësues të zyrës së Komisioneri për Mbrojtjen nga Diskriminimi për rajonin jugor, anëtarë të Këshillit Bashkiak, si dhe aktivistë të qytetit. Diskutimet sollën shembuj konkretë, shkëmbim përvojash dhe nxitën reflektim mbi rolin që çdo aktor ka në garantimin e zgjedhjeve të ndershme, të lira dhe transparente.
Ky aktivitet u organizua me mbështetjen e Bashkimi Evropian në kuadër të nismës “Evidence Based Monitoring of Local Public Spending during Electoral Processes”.
