Qëndresa Qytetare mori pjesë në takimin e Komisionerit Shtetëror
të Zgjedhjeve me Shoqërinë Civile, ku diskutuam gjerësisht mbi mënyrat dhe
procedurat për denoncimin e shkeljeve zgjedhore, si në periudhën parazgjedhore,
ashtu edhe gjatë ditës së votimit.
Deri tani, KQZ ka marrë 52
denoncime, një tregues i interesit dhe angazhimit të aktorëve të ndryshëm për
integritetin e procesit zgjedhor.
Për të garantuar një trajtim
cilësor dhe brenda afateve ligjore, ndamë praktikat dhe metodat toan të
trajtimit të denoncimeve nga qytetarët dhe monitoruesit, si edhe qasjen e Qëndresës
se sic do actor mund të përmirësojë cilësinë e denoncimeve, të cilat janë në
rritje.
Në këtë kontekst, diskutuam edhe
për mundësinë që KQZ të vendosë në dispozicion formate standarde për
denoncimet, në mënyrë që çdo raportim të jetë sa më i plotë dhe i saktë.
Në fokus të takimit ishte edhe
bashkëpunimi i KQZ me SPAK dhe Prokurorinë e Përgjithshme, në kuadër të
Protokollit të Koordinimit dhe Bashkëpunimit të nënshkruar së fundmi. Ky
protokoll siguron që çdo denoncim me elementë penalë të trajtohet me prioritet
maksimal dhe transparencë të plotë, duke forcuar kështu besimin e qytetarëve
tek institucionet që garantojnë integritetin e zgjedhjeve.
Qëndresa Qytetare fton qytetarët,
Brenda dhe jashtë vendit të bëhen pjesë e procesit si votues, si aktore pjesëmarrës
dhe si denoncues në platformat e institucioneve garante të zgjedhjeve dhe në
paltfromën e organizatës sonë Integriteti Zgjedhor.
