Në takimin e zhvilluar së fundmi me KQZ-në diskutuam në detaje mbi sfidat dhe praktikat më të mira në monitorimin e përdorimit të burimeve shtetërore gjatë proceseve zgjedhore.
Në këtë takim, theksuam rëndësinë e identifikimit, parandalimit dhe adresimit të shkeljeve që përfshijnë burimet shtetërore, me qëllim sigurimin e një procesi zgjedhor të ndershëm dhe transparent. Diskutuam mbi nevojën për të rritur efektivitetin e raportimeve të rasteve të abuzimeve dhe për forcimin e mekanizmave të hetimit administrativ ndaj institucioneve publike.
Ndamë gjithashtu gjetjet tona nga monitorimi i zgjedhjeve të mëparshme, duke vënë theksin te rëndësia e ndërgjegjësimit të gjerë publik për raportimin e shkeljeve dhe zhvillimin e kapaciteteve institucionale për të trajtuar këto raste me shpejtësi dhe efikasitet.
Propozimet tona për përmirësimin e transparencës dhe llogaridhënies në përdorimin e burimeve shtetërore gjatë procesit zgjedhor janë një hap i nevojshëm për të forcuar besimin dhe integritetin në proceset zgjedhore. Ky bashkëpunim është thelbësor për një proces zgjedhor më të drejtë dhe më të besueshëm për të gjithë qytetarët.
