Ekipi i Qëndresës dhe BIRN ishin sot në qytetin e Vlorës për të diskutuar me të rinj, organizata të shoqërisë civile dhe aktivistë lidhur me transparencën e institucioneve arsimore dhe shëndetësore. Pas prezantimit të gjetjeve dhe rekomandimeve bazuar në monitorimin e bërë, pjesëmarrësit ndanë sfidat dhe përvojat e tyre personale.
Në këtë takim u theksua rëndësia e përmirësimit të transparencës dhe llogaridhënies së institucioneve publike, si një kusht i domosdoshëm për zhvillimin e demokracisë dhe mbrojtjen e të drejtave të qytetarëve. Pa institucione që veprojnë me integritet dhe pa qasje të barabartë në arsim dhe shëndetësi, vendi ynë rrezikon të përballet me përkeqësim të pabarazive sociale dhe një brez të rinjsh që humbin besimin te shteti dhe institucionet e tij.
