Studentët që vijojnë procesin mësimor në kryeqytet rezulton të jenë studentët me barrën më të lartë financiare për shkak të kostove të larta të jetesës, tregut imobilar, mungesës së konvikteve dhe mundësive të pakta të mbështetjes studentore. Qëndresa Qytetare analizoi shpenzimet financiare të studentëve në pesë universitete publike në kryeqytet për të kuptuar nevojat, natyrën e shpenzimeve dhe peshën që zë punësimi, mbështetja me bursë apo mbështetja nga familja e tyre për të studiuar në kryeqytet. Kjo analizë u realizua nëpërmjet një pyetësori online dhe dy fokus grupeve me studentë që studiojnë në kryeqytet. Një element tjetër që zbulon analiza e shpenzimeve është mënyra se si shpërndahen të ardhurat e tyre dhe çfarë peshe zë akomodimi, ushqimi apo vetë procesi mësimor. Situata financiare nënkupton sasinë dhe burimin e të ardhurave, nevojat bazike dhe kostot e studentëve në kryeqytet.
Lexoni raportin e plotë duke klikuar në linkun në vijim: 👇
PORTOFOLI I STUDENTIT : Anketë mbi shpenzimet financiare dhe të ardhurat e studentëve në kryeqytet
Dhjetor 2021
Misioni i Qëndresës Qytetare është fuqizimi i rolit të qytetarit në shoqëri, nëpërmjet advokimit të politikave, ndërgjegjësimit qytetar dhe trajnimeve të grupeve komunitare me qëllim përmirësimin e qeverisjes.