Në Ditën Ndërkombëtare të Integritetit organizuam Forumin e Diskutimit me temë “Integriteti në Arsim” me pjesëmarrjen e studentëve, Pedagogut Afrim Krasniqi, aktivistit nga Kosova Rron Gjinovci dhe përfaqësuesen e Ministrisë së Drejtesisë Rovena Pregja.
Zgjodhëm pikërisht këtë ditë si një menyrë për të bërë apel ndaj institucioneve të arsimit për të adresuar çështjet e korrupsionit, nepotizmit dhe mungesës së integritetit brenda sistemit arsimor. Integriteti duhet të nisë mbi të gjitha nga arsimi, sepse në këtë mënyrë së bashku me edukimin e brezave i japim vendit mjekë, inxhinierë, mësues dhe profesionistë të denjë, duke rritur në këtë mënyrë besimin e qytetarëve kundrejt institucioneve dhe shërbimeve që ata do të marrin.
Njëherazi u çel edhe ekspozita me të njëjtën tematikë me punime të studentëve, ku me mbështetjen e Olof Palme International Center dhe prezencën e Ambasadores së Sudedisë, Elsa Hastad, patëm kënaqësinë të ndajmë 5 çmimet fituese.
