Në kuadër të grantit si Alumni e Akademisë “Citizen in Charge”, Antigona Llozhi po punon drejt fuqizimit të rolit që të rinjtë kanë në vendimarrje. Deri më tani janë zhvilluar dy trajnimet e para përmes të cilave të rinjtë nga gjimnazi “At Shtjefën Gjecovi”, “Arif Halil Sulaj”, “Sebastia” dhe Miloti, mësuan rreth qytetarisë aktive, Ligjin për Rininë dhe rëndësinë e përfaqësimit në nivel lokal. Si rrjedhojë e mungesës së një Këshilli Rinor në Kurbin ka një sërë problemesh që reflekohen në mungesën e qendrave rinore si mospërfaqësimi i të rinjve në instanca të ndryshme shtetërore etj. Ndaj, Antigona dhe miqtë e saj janë bashkuar për të diskutuar dhe vendosur rreth hapave që duhet të ndërmarrin për krijimin e një Këshilli Rinor në Bashkinë e Kurbinit.
“Rinia është e etur për edukim, jo për mashtrim!” 
