Marash Logu: Rritja e peshës se votës kërkesë e protestës së dhjetorit.
Marash Logu: 30% siguron pjesëmarrje dhe llogaritje të studenteve në procesin e zgjedhjëve. Sot vota e 1 pedagogu në Universitetin e Tiranës vlen sa vota e 314 studentëve.
Migen Qiraxhi: Pasi shteruam të gjitha rrugët institucionale iu drejtuam Kuvendit. 7
deputetë mirëpritën dhe do propozojnë me urgjencë nismën ligjore për votim….
Migen Qiraxhi: 30% ul ndikimin e partive, krimit të organizuar dhe klaneve që kanë kapur universitetet.
QQ thirrje te gjithë profesorëve dhe deputetëve : Mbështesni këtë nismë për ti dëhnë studentëve peshën e merituar në universitet!
Qëndresa Qytetare së bashku me studentët iu drejtua Kuvendit të Shqipërisë me një nismë ligjore për rritjen e peshës së votës dhe përfaqësimit të studentëve në zgjedhjet për organet drejtuese në universitete në masën 30%. Ata u pritën sot nga një grup deputetësh të parlamentit shqiptar të cilët garantuan se me urgjencë do ti propozojnë kuvendit për votim këtë nismë ligjore.
Marash Logu student i Universitetit të Tiranës u shpreh se kjo është një nga 8 kërkesat e studentëve në protestë dhe se rritja e peshës së votës studentore siguron pjesëmarrje dhe përfaqësim më të mirë të studentëve në jetën universitare. Referuar eksperiencës së zgjedhjeve të vitit 2016, ku votat e studentëve (10%) nuk ishin përcaktuese për zgjedhjen e asnjë dekani apo rektori, kjo solli mungesën e platformave drejtuar studentëve për qeverisjen e universitet dhe programeve konkurese, dhe kjo gjë po ndodh edhe sot.
Ndërsa Migen Qiraxhi theksoi se prej dy vjetësh Qëndresa Qytetare ka shteruar të gjitha hapat institucionalë për të realizuar këtë kërkesë të studentëve dhe më në fund iu drejtuam kuvendit për ta depozituar vetë nismën ligjore. Ju po e shikoni se në zgjedhjet e 30 korrikut i vetmi komunitet që nuk ka rëndësi në procesin zgjedhor janë studentët, megjithëse përbëjnë 90% të popullatës së universitetit. Të gjithë kemi për detyrë të kontribuojmë për t’i dhënë studentit peshën e merituar në universitet, koha është në limite por ky kuvend ka dëshmuar se kur ka vullnet mekanizmat e zgjidhjes gjenden shumë shpejt. Ne gjejmë rastin ti bëjmë thirrje të gjithë deputetëve të Parlamentit të ndjekin rrugën e deputetëve të cilët na priten dhe do të propozojnë për miratim këto ndryshime në kuvend.
Këtë propozim të ri Qëndresa dhe studentet në relacionin e tyre e mbështesin tek (1) precedenti shqiptar i ligjit te vjeter, “Për Arsimin e Lartë në Republikën e Shqipërisë”, ku pesha e votes se studentëve në zgjedhjen e organeve akademike ishte në masën 20% dhe (2) precedentët e huaj si rastin e zgjedhjeve per rektor ne Universitetin e Barcelones, ku studentët zotërojnë 30% të peshës së votes, apo në Rumani me 25%.
