Ilir Proda është emri që Ministri i Brendshëm Ervin Hoxhaj i
ka dërguar Kryeministrit, Edi Rama, për Drejtor të Përgjithëm të Policisë së
Shtetit dhe sot në mbledhjen e qeverisë
pritet të miratohet edhe emërimi i tij.
Procesi i shumë trumbetuar në media si risi në fakt kishte
mungesë të theksuar të transparencës, pikëzimit, vlerësimit dhe elementëve që
një konkurs public mund të përmbante.
Qytetarët gjithashtu nuk i mësuan kurrë platformat që
paraqiten kandidatët, njëri nga të cilët rezultonte se ishte në kërkim.
Rendi dhe Siguria në Shqipëri janë Emergjencë Kombëtare, e
në këto kushte procesi i zgjedhjes së Drejtorit të ri të Policisë së Shtetit do
duhej të kalonte përmes një konsultimi më të gjerë se sa komisioni njëpartiak i
Ministrisë së Brendshme.
Operacionet e viteve të fundit të SPAK konfirmuan se
inkriminimi në radhët e Policisë së Shtetit kishte shkuar në nivelet më të
larta, duke bërë që rendi dhe siguria në këtë vend të ishin në mëshirë të
grupeve kriminale.
Me shumë gjasë sot do kemi në krye të Policisë së Shtetit
një zyrtar telefoni i të cilit është sekuestruar nga SPAK në kuadër të hetimit për
dekonspirimin e operacionit për kapjen e pjestarëve të klanit Çopja.
Përballë këtij realiteti vettingun në Policinë e Shtetit e bëri
SKY dhe Enchrochat, teksa askush nuk dha sqarime pse vettingu institucional u
ndërpre.
Qëndresa Qytetare vlerëson se ky proces ka qënë i dështuar
dhe Ministria e Brendshme ka detyrën të bëjë transparencë për këtë proces.
