Oficerët e sigurisë në shkolla, zotimi që riciklohet çdo vit, por që nuk pengoi drejtorin e një shkolle të ishte pjesë e grupit që shpërndante lëndë narkotike!
Projekti i oficerëve të sigurisë në shkolla prej 2013 kur Sajmir Tahiri e lançoi për herë të parë, çdo vit trumbetohet si një risi dhe një arritje madhore, kur në fakt është një praktikë normale në çdo vend të qytetëruar, por që në Shqipëri nuk i ka dhënë rezultatet e pritshme.
Operacioni policor i koduar Tempulli që është në vijim prej dy vitesh faktoi se për gati një dekadë shkollat tona kanë qënë oze të shitjes së kanabisit.
Disa grupe u goditën nuk u shkua asnjëherë tek drejtuesit dhe fenomeni vijon të jetë prezent.
E njëjta panoramë është edhe në shkollat e Tiranës me një milionë banorë dhe në shkollat e qyteteve të vogla, pasi kanabizimi masiv i vendit ka pasur efekt domino në rritjen e numrit të përdoruesëve të çdo grupmoshe.
Në shumë shkolla më lehtë gjen doza kanabisi se laboratore për nxënësit.
Rasti më flagrant u shënua në Durrës ku Drejtori i Shkollës së Muzikës Jan Kukuzeli, institucion elitar në këtë qytet, rezulzoi se ishte pjesë e një grupi që shpërndante lëndë narkotike.
Qëndresa Qytetare vlerëson se siguria në shkolla nuk është çështje e propagandës së ditës, por një projekt afatgjatë që kërkon përkushtim dhe vizion.
